ياصاحبي

خليك صاحب خيره

وخليك طيب في الرفق والجيره



وبالله كون مومن مااتدير كبيره

تغضب المولي والإسلام تعيب


كل عمل في الدنيا تريد اتديره

عليه ملك وايسجل معاه كتيب


واحسب حساب هناك في الحفيره

ايدنوك في ظلمة القبر اتريب


راها الدنيا موش دار وكيره

راحل ورا راحل مشى ومسيب


وراه كم قصر بحاشية ووزيره


واللي سابها ضانه وكم اركيب


وفيه ناس عاشت في الحياه فقيره

زاهدين في الدنيا شباب وشيب


وفيها اللي طيب لذيذ السيره

وفيها اللي فعله الراس يشيب


تزها أوقات وعندها تكشيره

لاعد اتفرز لاعدو لااحبيـــــــب


مرات سمحة كي هميل سريره

ومرات تدغر كي الوحوش اتنيب


مرات تهذل في امطار غزيره

ومرات ماتنظر لصيف اشبيـــــب


وحتى إن فيك الحزن حافر بيره

وعنك سنين الفرح تم امغيــــــب


سبح المولى في خفا وظهيره

كريم اطلبه عنده الفرج لقريـــــب


رحيم ورؤوف كريم باسط خيره

شديد العقاب ان كنت مانك طيب


خليك صاحب زين

وخليك ماسك في أمور الدين


وجاهد واسعي في رضا الولدين

استرطب معاهم ماتكون اغضيب


وخليك حاكم في السمع والعين

علي كل قول وكل فعل ايريب


وخلي لسانك في الحديث رزين

لاتبتلي العباد لا اتعيـــــــــــــــب


واحسب حساب العرض يوم الدين

وينما لقريب ينفره لقريـــــــــب


ونصلي علي سيد المرسلين

الشافع الصادق والأمين الطيب